SÁ vitjar nafla alheimsins á Snæfellsnesi

Á miðvikudeginum fórum við í Heiðmörk og kynntum okkur hlaupaparadísina þar. Héldum við okkur í austanverðri Vífilsstaðahlíð sem er skógi vaxin og með margbreytilegum hlaupaleiðum, brekkum og mjúku undirlagi. Ekkert mál er að finna sér lengri leiðir er skipta jafnvel tugum kílómetra því möguleikarnir eru miklir og bjóða uppá góða tilbr. frá malbikinu.

Bjarni stór-afmælisbarn laugardagsins, ásamt ritara, fóru í afarskemmtilegt hlaup, "Snæfellsjökulshlaupið" er haldið var við kjöraðstæður. Er það þeirra álit að vart sé hægt að finna sér skemmtilegra hlaup enda fegurð jökulsins og nágrenni heimsþekkt. Þetta er svona dæmi um möguleika okkar til að njóta móður náttúru á ódýran og eftirminnilegan hátt.

Hlaup seinustu viku eru eftirf....

Mánudagur: Sissa, Lilja, Birna, Villi, Gyða, Ágúst og ritari voru mætt og gerðu hlaupaæfingar, teygjur og tóku spretti við Sóta. Síðan kláruðu flestir Álftaneshring.

Miðvikudagur: Fórum sambíla í Heiðmörk og kynntum okkur hlaupaparadísina þar, mætt voru; Lilja, Birna, Sissa, Hrefna, Andrea, Birgir, Jói, Sigurl., Villi og ritari

Laugardagur: Hef ekki upplýs. um hlaupið frá íþr.húsinu en Bjarni og ritari fóru í Snæfellsjökulshlaupið og lentu í ævintýralegu hlaupi.

Hlaupaæfingar næstu viku eru eftirf...

Mánudagur: Upphitun, teygjur, hlaupaæfingar, sprettir

Miðvikudagur: Upphitun og tempóhlaup

Laugardagur: Lengri hlaup

Kapp í SÁ-hópnum

Góð mæting hefur verið undanfarna viku og því greinilegt að sumarstemning er yfir vötnunum. Gaman var hjá okkur á fimmtudaginn er fjölmennt var á Miðnæturhlaupið í Laugardal, í boði var 5 og 10 km hlaup, og fóru 3. manns í 5 km og 8 manns í 10 km. Sumir höfðu ekki tekið þátt í keppni áður en höfðu augljóslega mjög gaman af. Myndir frá hlaupinu má sjá í albúmi bloggsíðunnar og sýna þær brosandi þátttakendur. 

Hlaup seinustu viku....

Mánudagur: Upphitun, teygjur, sprettir og hlaup. Mættir voru, Lilja, Dista, Birna, Sigurlaug, Jói, Ágúst, Sævar, Birgir, Anna, Hildur, Berglind, Sandra og ritari

Miðvikudagur: Farnir voru Álftanes-, Túna-, Das-, Garðaholtshringir. Mættir voru, Anna, Sissa, Ágúst, Jói, Bjarni, Sævar, Birna, Sigurlaug, Dista, Gréta, Berglind, Sandra og ritari.

Fimmtudagur: Miðnæturhlaup í Laugardal, 5. og 10. km. Mættir voru, Anna, Sissa, Sigurlaug, Jói, Ágúst, Unnur, Villi, Birna, Dista, Hildur og ritari

Laugardagur: Farnir voru m.a. Álftanes-, Das-, og A. Hansenhringir. Mættir, Birna, Lilja, Gyða, Villi, Jói, Sigurlaug, Ágúst, Birgir, Anna, Hildur.

Æfingar næstu viku eru þannig...

Mánudagur: Upphitun, teygjur, sprettir og hlaup

Miðvikudagur: Upphitun, tempóhlaup og niðurskokk

Laugardagur: Lengri hlaup

 

mfbm-hetjurnar stolt okkar og fyrirmynd

Seinasta vika er algerlega tileinkuð mfbm-hópnum sem afrekuðu að fara hring um landið á aðeins 15 dögum. Að vekja athygli á málstað krabbameinssjúkra með þessum hætti er aðdáunarvert og mikið afrek út af fyrir sig. Þetta fólk hefur kynnst þessum sjúkdóm af eigin reynslu og veit að aldrei er hægt að slaka á klónni í baráttunni við hann. Söfnuðust vænar fjárhæðir sem koma sér í mjög góðar þarfir.

Veðrið leikur við okkur þessa dagana og er því gaman að spranga um göturnar við þannig aðstæður. Margir eru í, eða eru að byrja í sumarfríi og njóta þess að ganga á fjöll og hlaupa um víðann völl.  

Hlaup seinustu viku voru þannig...

Mánudagur: Birna fór Bessastaðanesið - Bjarni, Birgir og ritari fóru Bessastaðanes- og Garðaholtshring.

Miðvikudagur: Sissa, Sævar, Ágúst og ritari fóru Das- og Skátahring - Birna og Dista fóru Garðaholtið - Berglind og Sandra fóru Álftaneshring - Sigurlaug og Jói fóru Álftaneshring með viðk. í Búðaflöt.

Laugardagur: Sigurlaug, Jói, Birna, og Sævar fóru Das- og Skátahring - Sissa og Anna skoðuðu sig um í Sjálandinu - Bjarni og ritari fóru Vífilsstaðavatn og hring um það að Odda, um Urriðaholt, að Kaldárseli, að Strandgötu, að Das og heim - Óli og Hrefna fóru A. Hansenhring.

Tillögur að æfingum næstu viku....

Mánudagur: Upphitun, teygjur og léttar hlaupaæfingar og hlaup að vild.

Miðvikudagur: Tempóhlaup með upphitun og niðurskokki.

Laugardagur: Lengri vegalengdir farnar.

 

Komdu með...

Það má með sanni segja að það sé gengin í garð vertíð í almenningshlaupum. Kvenna-, Heilsu-, Grafnings- og Miðnæturhlaup og hvað nú allt þetta heitir stendur nú yfir og mun ekkert lát á fram á haust. Þetta er að sjálfsögðu gott mál fyrir okkur sem í þessu erum því nú þykir ekkert tiltökumál að skreppa í hlaup með stuttum fyrirvara og fá svo tíma sinn ásamt mynd á netinu daginn eftir. Áður biðu menn spenntir eftir eina hlaupi ársins, en nú er tíðin önnur.

Nú eru sumarfrí að detta inn hjá almenningi og þá gefst meiri tími til hlaupaiðkana. Er því nú lag að fara að gera komur sínar tíðari í hlaup með okkur félögum í SÁ og taka gesti með sér, því eins og fyrr eru allir velkomnir í hópinn. 

Hlaup seinustu viku...

Mánudagur: Lilja, Dista, Birna, Anna, Ágúst, Berglind, Sandra og ritari fóru Álftaneshring með viðkomu á Bessastöðum. Gerðum teygju- og hlaupaæfingar í Sótabrekkunni.

Miðvikudagur: Sigurlaug og Birna fóru Álftanes- og Skátahring - Hrefna, Óli, Sissa, Lilja, Jói, Ágúst, Sævar og ritari fóru Bessastaðanesið og bættu sumir við sig, t.d. Álftanes- og Skátahring - Anna Th. fór í Heilsuhlaupið og náði mjög góðum tíma.

Laugardagur: Sissa, Sigurlaug, Jói, Sævar og Lilja hlupu þennan dag og ritari og Bjarni hlupu í Vörðu-Skeggja í Henglinum á vegum Laugavegshópsins.

Æfingar vikunnar 13/6 - 18/6 eru þessar:

Mánudagur - hlaupaæfingar, teygjur og fl.

Miðvikudagur - tempóhlaup með upphitun og niðurskokki.

Laugardagur - lengri hlaup.

 

Langt verður lengra

Greinilegt er að hlauparar eru farnir að lengja verulega í hlaupum sínum, sem eru merki þess að kapp er komið í kinn og markmið að verða komið í sigtið. Bessastaðanesið með viðbótum og Vífilsstaðavatnið eru vinsælar leiðir um þessar mundir, sem og A. Hansen, auk Das hins klassíka. Vitanlega er alltaf hægt að finna nýjar leiðir sem góða tilbreytingu.

Við SÁ- menn bíðum nú spennt eftir meðlimum okkar er hugðust nema land í Ameríku til að gera verðkönnun í sportvöruverslunum þarlendra. Má búast við að í framhaldinu muni nýir litir og vestrænir tískustraumar verða okkur Álftnesingum sýnilegir á strætunum næstu daga. 

Hlaup seinustu viku voru....

Mánudagur: Ágúst, Villi, Birgir, Gyða, Lilja, Sigurlaug, Jói og Dista fóru 1-2*Álftaneshring og tóku nokkra spretti í leiðinni.

Miðvikudagur: Dista, Birna og Sigurlaug fóru Álftanes- og Túnahring - Ágúst, Villi, Birgir, Sævar og ritari fóru Garðaholts- og Túnahring.

Laugardagur: Dista og Lilja fóru Bessastaðanes- og Álftaneshring - Birna og Sigurlaug fóru Bessastaðanes- og Skátahring - Ágúst, Villi og Sævar fóru Vífilsstaðavatns- og Skátahring - Bjarni og ritari tóku þátt skemmtilegu utanvegahlaupi í Grafningshlaupinu.

 

 

"Hvar eru hlaupaskórnir mínir, elskan" ?

Nú er aftur friður til hlaupa eftir vægt kuldakast og öskufall, sem ekki er ákjósanlegt fyrir lungun. Mikið úrval almenningshlaupa er í gangi um þessar mundir og því tilvalið að taka stöðuna á sér og taka þátt í þeim. Ágúst og Villi tóku þátt í Vals-hlaupinu á laugardaginn og var ritari á staðnum til að fylgjast með, var ætlun þeirra að ná sínum markmiðum er nánast tókst. Var gaman að vera á staðnum því það er ekki síður skemmtilegt að standa á hliðarlínunni og sjá góða félaga koma í mark.

Fyrir þá sem hafa hug á að komast á hlaupanámskeið hjá hlaup.is þá er næsta námskeið  dagana 6, 7, og 8 júní. Nokkrir meðlimir SÁ hafa farið á slíkt námskeið sem er fyrir byrjendur sem og lengra komna og láta vel af.

Hlaup seinustu viku voru eftirf..

Mánudagur: Ágúst, Villi og ritari fóru Jörfa- og Stóran- Skátahring í hávaðaroki.

Miðvikudagur: Ágúst, Villi, Sævar og Birgir fóru Dashringinn - Dista, Anna, Kristín og ritari fóru Garðaholtið og bættu við sig ýmist Túna- eða Skátahring.

Laugardagur: Birna, Dista, Lilja, Sigurl., og Kristín fóru Álftanes- og Skátahring og komu sumir við á Bessastöðum - Anna, Hildur og Jói fóru Garðaholtið - Ritari fór með Sævari og Birgi Vífilsstaðavatnið sem er 21 km. og því ágætisleið fyrir þá sem ætla 1/2 maraþon í sumar - Ágúst og Villi Tryggva fóru í Vals-hlaupið og kepptu þar í 10 km. hlaupi og gekk vel.

Tillögur að æfingum næstu viku...

Mánudagur: Tempóhlaup með upphitun og niðurskokki. Miðvikudagur: Sprettir Laugardagur: Lengri hlaup.

 

Hvað skal gert í sumar?

 

Núna fer að vera tímabært fyrir þá sem ætla sér einhver markmið í hlaupum að fara að huga að æfingaáætlunum. Er hægt að nálgast tillögur að áætlunum víða á netinu heima og erlendis. Ágætis áætlanir eru í Hlaupahandbókinni sem margir hafa notast við. Einnig er hægt að panta áætlun gegn greiðslu t. d. hjá hlaup.is. Þar er tekið mið af einstaklingnum og sniðið að hans þörfum. Svo eru fleiri sem taka þann kostinn að finna áætlun með öðrum svo félagsskapur sé til staðar og stuðningur.

Mánudagur: Sævar, Ágúst og ritari fóru Dashring og ritari Álftaneshr.  að auki - Dista og Lilja fóru Garðaholtið - Jói, Sigurlaug, Björn og Sissa fóru Álftaneshring - Anna B. fór Skátahring.

Miðvikudagur: Ágúst, Sævar, Birgir, Sissa, Jói, Villi, Lilja, Dista og ritari fóru Bessastaðanes, Birna og Sigurlaug lögðu líka af stað en Birna datt illa við Seylu og fylgdi Sigurlaug henni til baka.

Laugardagur: Hef ekki enn heimildir fyrir þessu hlaupi vegna fjarveru minnar.

Æfingar næstu viku..

Mánudagur: Upphitun og svo nokkrar skokkæfingar, síðan er hlaup.

Miðvikudagur: Tempóhlaup með upphitun og niðurskokki.

Laugardagur: Áhersla á lengri hlaup. 

 

Almenningshlaup til gamans og samanburðar

Þátttaka seinustu viku er búin að vera í meðallagi góð og hafa nokkrar nýjar manneskjur látið sjá sig sem er gleðilegt. Lilja, Andrea og Gréta kláruðu hlaupanámskeið í vikunni og ættu þær að geta farið að miðla reynslu sinni með okkur næstu daga. En fyrir þá sem hafa hug á að komast á námskeið þá verður eitt slíkt fljótlega í byrjun júní.

Eins og kom fram í seinustu viku þá töldum við upp nokkur almennings-hlaup sem okkur þykir áhugaverð. Ágúst, Bjarni og ritari fóru á eitt þessara hlaupa á laugardaginn og höfðu mikla skemmtun af í blíðskapaveðri og góðum aðstæðum á Seltjarnarnesi. Mæla þeir kappar eindregið með þessum hlaupum sem eru skemmtileg og bjóða upp á nýjar hlaupaleiðir.

Hlaup seinustu viku voru eftirf....

Mánudagur: Íris, Birna, Jói, Sigurlaug, Pálína (ný), Hrefna og ritari fóru Álftaneshring og lengdu margir í með ýmsum hætti. Hituðum upp að Sóta og teygðum, tókum svo nokkra spretti í brekkunni - Anna B. (sem er ný) fór Túnahring.

Miðvikudagur: Villi T., Sævar, Birgir og ritari fóru Dashring - Birna, Dista, Baldur og Jói fóru Álftaneshring með viðkomu á Bessastöðum.

Laugardagur: Birna, Lilja og Sigurlaug fóru 2* Álftaneshringi með viðkomu að hliði og Skátahring að auki - Sævar, Þórarinn, Birgir og Sissa fóru A. Hansenhring - Ágúst, Bjarni og ritari tóku þátt í Neshlaupinu 15 km á Seltjarnarnesi.

Hlaupaæfingar næstu viku eru þannig...

Mánudagur: Hlaup með nokkrum sprettum í. Upphitun og niðurskokk.

Miðvikudagur: Tempóhlaup með upphitun og niðurskokki.

Laugardagur: Lengri hlaup.

 

 

Almenningshlaup sem SÁ mælir með í vor og sumar !

 

14.05.2011- Neshlaup TKS- 3.25, 7.5 og 15 km. Sundl Seltjarnarn kl. 11:00                                           

19.05.2011- Fjölnishlaupið- 1.8 og 10 km. Sundl. Grafarvogs kl. 20:00                                                    

13.06.2011- Blóðbankahlaupið.                                                                                                                

23.06.2011- Miðnæturhlaup Powerade 3, 5, og 10 km. kl. 22:00 Laugardalslaug.                                   

12.07.2011- Ármannshlaupið Powerade.                                                                                                 

20.08.2011- Reykjavíkurmaraþon Íslandsbanka 3, 10, 21, og 42 km.                                                      

15.09.2011- Icelandair-hlaupið 7 km. kl. 19:00 Loftl.hótel.                                                                      

25.09.2011- Hjartadagshlaupið 10 km.                                                                                                    

22.10.2011- Haustmaraþon Félags maraþonhlaupara 21 og 42 km. kl. 8:00 og 10:00.                         

Nánar á www.hlaup.is

                                                                                                              

                                                                                      

 

Loksins eftir langa bið....

"Loksins, loksins", kom að því að það rættist úr veðrinu, og ekki að spyrja að því að um leið bættist í hópinn. Við vorum mjög dugleg í vikunni, er við bárum í hús pésa sem var ætlað það að kynna hópinn fyrir Álftanesbúum. Hefur það orðið til þess að við höfum fengið mikið af fyrirspurnum ásamt nýjum heimsóknum í hlaupin sem er mjög ánægjulegt.

Við höfum sett upp lista yfir þau hlaup á höfuðborgarsvæðinu sem okkur þykir áhugaverð og viljum hvetja þá meðlimi SÁ til þess að reyna að tala sig saman um og mæta á. Er sá listi undir liðnum "Viðburðir SÁ" í færsluflokkunum hér til hliðar. 

Hlaup seinustu viku voru þannig....

Mánudagur: Óli, Hrefna, Anna, Jói, Sævar og ritari fóru Garðaholtið - Sigurlaug og Birna fóru Álftanes- og Skátahring - Villi Tryggva fór Dashringinn.

Miðvikudagur: Óli, Hrefna, Ágúst, Birna, ritari og Þorbjörg sem er ný í hópnum fóru Jörfahring - Björn sem er nýr í hópnum fór Álftaneshring ásamt ungri dóttur sinni sem elti hann á hjóli.

Laugardagur: Ágúst, Sævar, Anna, Villi T., ritari og Þórarinn sem er nýr í hópnum fóru A. Hansenhringinn og bætti ritari við Bessastaðanes- og Skátahring - Sigurlaug og Birna fóru Álftaneshring með viðkomu á Bessastöðum.

Hlaupaæfingar næstu viku eru þannig...

Mánud: Sprettir með teygjum, upphitun og niðurskokki.

Miðvikud: Tempóhlaup með upphitun og niðurskokki.

Laugard: Áhersla á lengri hlaup með rólegu tempói.