SÁ-hópurinn laskaður

Meiðsli og veikindi hafa sett skarð í hópinn okkar seinustu vikur. Kálfameiðsl, beinhimnubólga, bakverkir, kviðslit og lungnabólga eru meðal þess sem hrjáir mannskapinn, og munar um minna í okkar litla sæta samfélagi. Sendum við þessu fólki hugheilar óskir um góðan bata og von um að sjást sem fyrst á vígvellinum aftur.    

Vil aftur minna á Icelandairhlaupið á fimmtudaginn kl. 18:00 við Loftleiðahótelið. Endilega vera með í þessu skemmtilega hlaupi. 

Hlaup seinustu viku voru eftirf...

Mánudagur: Ágúst, Bjarni, Óli, Anna, Sissa, Birna, Sigurlaug og ritari mættu í æfingar við Sóta og fóru ýmist Álftanes-, Garðaholts-, eða Dashring.

Miðvikudagur: Ágúst, Birgir, Sissa Birna, Sigurlaug, Dista og ritari mætt og fóru Álftanes-, Garðaholt-, og A. Hansenhring.

Laugardagur: Sissa, Anna, Siggi, Ágúst, Sigurlaug, Lína og ritari mætt og fóru Garðaholts-, Das-, og Vífilsstaðahring.

Æfingar komandi viku eru eftirfarandi.

Mánudagur, hlaupaæfingar og sprettir - miðvikudagur, tempóhlaup - laugardagur, lengri hlaup.

Saman á Icelandairhlaupið

Fimmtudaginn 15. september verður Icelandairhlaupið. Farið verður að venju kringum Reykjavíkurflugvöll, 7. km. Slétt og hröð braut. Gaman væri ef við SÁ- liðar gætum fjölmennt í þetta hlaup og sameinast um bíla á staðinn frá Álftanesi. Þetta hefur verið vel sótt hlaup enda skemmtilegt, ekki of langt og ekki of stutt.. Boðið uppá súpu og fl.

Hlaup seinustu viku...

Mánudagur: Birna, Sigurlaug, Jói, Anna, Sissa, Óli, Hrefna, Lína, og ritari fóru Bessastaðanesið, Álftanes- og Dashring.

Miðvikudagur: Birna, Sigurlaug, Jói, Biggi, Ágúst, Lína og ritari fóru Bessastaðanesið og Álftaneshring með viðkomu á Bessastöðum.

Laugardagur: Sigurlaug, Dista, Birna, Biggi og Sævar fóru Álftaneshring og A. Hansen. Ritari skellti sér í Brúarhlaupið og tók 21.1.

Æfingar næstu viku hljóða svo...

Mánudagur- Hlaupaæfingar og teygjur, Miðvikudagur- Tempóhlaup, Laugardagur- Lengri hlaup.

 

Upprisan eftir maraþonið

Vikan fór í það að jafna sig eftir átök RM og voru því farnar styttri leiðir en venjulega og á minni hraða. Mikilvægt er að fara ekki of hratt af stað því þá getur endurheimtunin seinkað sér og viðkomandi bara ströglað í hlaupunum. Gott er að fara núverandi viku á rólegum og í mesta lagi jöfnum hraða fram undir helgi, en bæta svo í eftir það.

Fyrir þá sem langar að fara fljótlega af stað aftur þá er í boði um næstu helgi Brúarhlaupið á Selfossi og Reykjaneshlaupið í Reykjanesbæ. Einnig er 10. og 5. km Fossvogshlaup Víkings á fimmtudaginn. 

Hlaup seinustu viku...

Mánudagur: Lilja, Sigurlaug, Anna, Sissa, Bjarni, Ágúst, Birgir og ritari fóru öll rólegan Álftaneshring.

Miðvikudagur: Óli, Sævar, Ágúst, Birna, Sigurlaug, Lilja og Anna fóru Bessastaðanesið og Álftaneshring.

Laugardagur: Birna, Sigurlaug, Thelma, Jói, Birgir, Anna, Lína og ritari fóru Sjálandið, Das-, Álftanes-, og Garðaholtshring.

 

Vel heppnað Reykjavíkurmaraþon

Reykjavíkurmaraþonið fór fram á laugardaginn með góðri þátttöku meðlima Skokkhóps Álftaness. Um 15. meðlimir SÁ tóku þátt þar af flestir í hálfu maraþoni, einn í heilu og fáeinir í 10. km. Voru flestir að ná markmiðum sínum og voru hæstánægðir og brosandi þegar í mark var komið. Enda var ekki við öðru að búast því veðrið var fullkomið,  þátttaka aldrei meiri, og stemningin eftir því. Samanborið við fyrra ár þá tóku allir nema einn þátt í 10. km.

Hlaupagrunnurinn hjá SÁ- meðlimum er að skila sér eftir góða ástundun síðastliðins árs, meðlimir orðnir margs vísari í greininni og tilbúnir í áframhaldandi hreyfingu. Nú höldum við áfram eftir sem áður en það má líta á RM sem uppskeruhátíð hlauparans og eftir hana þá hefst undirbúningur að næstu markmiðum.

 

Hlaup seinustu viku....

Mánudagur: Sissa, Anna, Sandra, Berglind, Sóla, Birgir og ritari fóru Garðaholts- og Jörfahring.

Miðvikudagur: Berglind, Sandra, Lilja, Birgir, Bjarni, Birna, Sóla og kona úr Asparholti fóru Garðaholts- og Álftaneshring.

Laugardagur: Þátttaka í Reykjavíkurmaraþoni. Ca. 15 manns tóku þátt.

 

Æfingar næstu viku..

Mánudagur: Léttur hringur tekinn, teygjur og reynt að liðka skrokkinn eitthvað til.

Miðvikudagur: Rólegt hlaup, ekki of langt mætti vera breytilegt undirlag.

Laugardagur: Lengri hlaup.

 

  

Hlaupaveislan framundan!

Þá er það seinustu dagarnir fyrir Reykjavíkurmaraþonið. Nú ættu allir að vera farnir að keyra sig niður í hlaupamagni og komnir í lægsta gír. Vikuna ættu meðlimir SÁ sem ætla í RM að nota til að fara vel yfir hlutina fyrir hlaupið, s.s. fatnað, skór, og ekki síst mataræðið. Að vera vel undirbúinn og skipulagður fyrir keppni skilar betri líðan og árangri í hlaupinu.

Í hlaupin þessa viku væri gott að flestir mættu sem ætla sér í RM og skokkuðu rólega saman og berðu saman bækur sínar um gagn og nauðsynjar fyrir hlaupið.

Hlaup seinustu viku voru þannig...

Mánudagur: Lilja, Andrea, Birna, Dista, Ágúst, Birgir og ritari fóru ýmist A. Hansen-, Das-, og Álftaneshring.

Miðvikudagur: Lilja, Dista, Berglind, Sandra, Anna, Ágúst, Birgir og ritari fóru Álftanes- og Bessastaðaneshring.

Laugardagur: Lilja, Birna, Anna, Hildur, Birgir og ritari fóru A. Hansen-, Garðaholt og Skátahring.

Hlaup þessa viku verða með hætti hvers og eins vegna RM.     

SÁ, fyrir alla !

Ekki hafa SÁ- liðar skilað sér til fulls úr sumarfríum sínum en búast má við því að það fari að fjölga á næstu dögum. Stutt er í Reykjavíkur- maraþonið og því um að gera að mæta í sameiginleg hlaup fram að því til að geta miðlað upplýsingum sín á milli. Aðeins er þessi vika eftir fram að hvíldarvikunni fyrir RM, en þá eru farnar styttri vegalengdir í byrjun viku en hvíld seinustu 3. daga

Að sjálfsögðu er alltaf stefnt að hlaupum alla hlaupadaga ársins hring hjá SÁ og einnig fyrir þá sem eru ekki að stefna að neinu sérstöku keppnishlaupi. Því er óþarfi að hræðast það að mæta í hlaupin okkar.

Hlaup seinustu viku voru þannig...

Á mánudegi mætti: Birna, ritari og Ágúst og fóru Das-, Garðaholts-, og Álftaneshring.

Miðvikudagur: Birna, Sigurlaug, Lilja, Ágúst og ritari fóru Jörfahring.

Laugardagur: Ágúst, Bjarni, Dista, og Sigurlaug sáu um löngu vegalengdirnar þennan dag.

Æfingar þessa viku eru ákveðnar í upphafi hvers hlaups.

Hvernig gengur undirbúningurinn?

 

Enn hafa SÁ- liðar verið á faraldsfæti og þá meðtalinn ritari sem hefur samkvæmt því getað fylgst takmarkað með hlaupunum. Í þessari viku ætti að fara að fjölga í sameiginlegum hlaupum okkar því margir eru að koma úr fríum sínum og því væri gaman að við gætum farið að stinga saman nefjum okkar á ný og skiptast á skoðunum í undirbúningi fyrir RM sem óðum styttist í.  

Hlaup seinustu viku...

Mánudagur: Sigurlaug, Jói, Dista, Lilja, Ágúst, Bjarni, Gréta, Birgir og ritari fóru Álftanes-, Garðaholts- og Skátahring.

Miðvikudagur: Ágúst fór A. Hansenhring en fleiri veit ég ekki um þennan dag.

Laugardagur: Ágúst fór A. Hansen og fl. Það sást einnig til Önnu og Hildar, Sigurlaugar og Jóa.

Æfingar þessa vikuna skulum við prjóna eftir hendinni miða við mætingu, en sumir hafa sett sér ákveðið prógramm til að fara eftir fyrir RM og koma til með að fylgja því.

 

Fólk á flandri

Meðlimir SÁ eru núna þessa dagana mikið á flandri í sumarfríum sínum líkt og aðrir landsmenn. Ættu því þeir sem mæta í hlaupin ekki láta koma sér á óvart þótt fámennt sé heldur mæta áfram því alltaf munar um einn og senn koma hinir. Efast ég ekki um að fólk hlaupi á ferðum sínum því alltaf er gaman að hlaupa á nýjum stað.  

Hlaup seinustu viku voru eftirf...

Mánudagur: Mætt voru - Birna, Sigurlaug, Jói, Ágúst, Villi, Gréta og Sigríður Rósa. Hlaupinn var Álftanes- og Garðaholtshringir. Sissa og Anna fóru fyrr um daginn að Vífilsstaðavatnið.

Miðvikudagur: Ágúst og Birgir fóru Dashringinn og Lilja fór Álftaneshring.

Laugardagur: Birna og Sigurlaug fóru Álftaneshringinn - Ágúst fór að höfninni í Kópavogi og til baka.

 

Æfingar næstu viku eru eftirf..

Mánudagur: Hlaupaæfingar

Miðvikudagur: Tempóhlaup

Laugardagur: Lengri hlaup

Sælir Laugavegsfarar

Draumur ritara  og Bjarna varð að veruleika er þeir kláruðu Laugavegshlaupið síðastl. laugardag eftir 4ra mánaða formlegan undirbúning. Fyrir voru þeir með ólíkan grunn. Bjarni hafði byrjað að hlaupa á eigin vegum í október 2010 en með SÁ frá áramótum. Er kappinn þekktur fyrir allt annað en það að ráðast á garðinn þar sem hann er lægstur þrátt fyrir að vera ekki manna hæstur. Ritari hefur hlaupið í 7. ár og tekið þátt í nokkrum keppnum.

Hlaupið heppnaðist vel í alla staði, veður var frábært og skipulag gott. Trakteringar með drykki og smá næringu voru á drykkjarstöðvum sem sá fyrir því að keppendur ofþornuðu ekki því hitinn var verulegur síðari hluta hlaupsins. Fjórði hluti hlaupsins Emstrur - Húsadalur reyndi mest á keppendur og var ritari ekki undanskilin í þeim efnum. Byltur voru allnokkrar og ósjaldan heyrðist angistarvein er krampi fór að gera vart við sig hjá keppendum, fór ritari framúr nokkrum er héldu kvalarfullir um auma bletti en þá var ekkert annað að gera en að teygja vel og halda svo áfram. Því mikið er í húfi fyrir keppanda sem hefur lagt mikið í undirbúning í langan tíma, sem er ráðlegast því áskorunin er mikil. Má líka nefna það að sálræni kaflinn er erfiðastur á þessari leið og er þá margt skrafað við sjálfan sig, enda um sjálfskaparvíti að ræða. Hver kannast ekki við það að taka ákvörðun í hita leiksins um að leggja skóna á hilluna, fara í annað og rólegra sport og fl. En ótrúlegt sem er að er hjá líður er hugurinn farinn að skipuleggja hvernig  hlaupinu skyldi hagað í annað skiptið.

Næsta verkefni hjá flestum í SÁ er Rvk.-maraþon í ágúst. Flestir eru búnir að ákveða vegalengd og þá er bara að halda sér vel við æfingaprógrammið því góður undirbúningur stuðlar að skemmtilegra hlaupi, "minni krömpum". 

Hlaup seinustu viku...

Mánudagur: Mættir í hlaup voru- Birna, Dista, Jói, Sigurlaug, Anna, Sissa og ritari. Var farið í Garðaholtið og gerðar hlaupaæfingar og kláraður Garðaholts- og Dashringur.

Miðvikudagur: Mættir- Sigurl., Birna, Bjarni, Villi, Ágúst, Birgir og ritari. Farið var Álftanes- og Túnahring með viðk. á Bessastöðum.

Laugardagur: Hef að eins heimildir fyrir Lilju sem áætlaði að fara Vífilsstaðavatn 21. km, til heiðurs Bjarna og ritara er uppfylltu draum sinn í Laugavegshlaupinu þennan morgun eftir 4ra mán. undirbúning. Önnur hlaup verða færð inn síðar.

Vikuæfingar halda áfram með sama hætti og undanfarnar vikur.

 

Hlaupið í allar áttir

Meðlimir hafa verið mikið út og suður sem von er því sumarfrístíminn stendur hæst um þessar mundir. Frést hefur þó af sumum sem hlaupa eða ganga þar sem þeir eru staddir hverju sinni. Má þar t.a.m. nefna Lilju, sem stödd var á Snæfellsnesi um helgina og lét þann draum rætast ásamt Elínu vinkonu sinni að hlaupa Jökulhálsinn, 22. km leið. Var ritari reyndar búinn að ráðleggja Lilju að byrja snemma að ári að undirbúa þetta hlaup, er það skyldi haldið í annað sinn, en biðlundin var ekki lengri en þetta hjá þeirri knáu sem blés vart úr nös eftir þetta.

Bjarni og ritari eru núna búnir með undirbúning sinn fyrir Laugaveginn er staðið hefur yfir í fimm mánuði. Hlaupið verður næstu helgi 16. júlí. Verður þessi vika helguð hvíld og andlegum undirbúningi fyrir átökin. Lagt verður í hann aðfaranótt laugardags og hefst baráttan kl 9:00

Hlaup seinustu viku voru eftirf...

Mánudagur: Mætt í hlaup voru - Anna, Sissa, Villi, Lilja, Andrea, Birna, Sigurlaug, Gréta, Berglind, Sandra, og ritari. Anna, Sissa og Villi keyrðu í Heiðmörk og hlupu til baka. Aðrir Fóru Álftaneshring og tóku hlaupaæfingar og spretti í Sótabrekkunni

Miðvikudagur: Birna, Hrefna og Óli fóru Garðaholtið - Gréta fór Álftaneshring

Laugardagur: Sigurlaug og Jói fóru Garðaholtið. ( Hef ekki heimildir fyrir öðrum hlaupurum ).

Æfingar næstu viku...

Mánud. - Hlaupaæfingar og sprettir

Miðvikud.- Tempóhlaup

Laugardagur - Lengri hlaup