Snjóþrúgurnar fást í Byko !

Ekkert lát er á vetrarveðrunum sem geisað hafa síðastl. vikur. Er nú svo komið að hörðustu hlaupajaxlar eru farnir að spá í kaup á snjóþrúgum sem er þekkt fyrirbæri í snjóþungum löndum eins og t.a.m. Alaska og öðrum Norðurskautsríkjum. Gerði snögga verðkönnun og er niðurstaðan kr. 16000-50000, með miklu úrvali, sem er ótrúlegt. En áður en lengra er haldið þá minni ég á að það er 1 mánuður í 1 vetrardag og þessu ætti að fara að linna. Annars er ótrúlegt hvað hlauparar úr Hafnafirði eru duglegir að koma hér við á nesinu og þá sérstaklega um helgar, en þeir hafa þá hlaupið mikið á götunni sem krefst aðgætni.

Meðlimir SÁ hafa verið rólegir í hlaupum þessa viku en vonandi stendur það til bóta, markmiðasetning fyrir þetta hlaupaár ætti að fara að koma í dagsljósið innan tíðar hjá flestum, en sumir eru búnir að taka ákvarðanir með sín oddahlaup eins og t.a.m. Bjarni og ritari sem hafa þegar skráð sig á Laugaveginn þann 16 júlí og eru þessa dagana að fá í hendur prógramm er hljóðar uppá 80-100 km hlaup per viku fram að þessu. Hefur ritaði sagt upp vinnu sinni til þess að geta helgað sig undirbúningi og frést hefur af ljósmyndastofu og strandveiðibát á brunaútsölu er rekja má til Bjarna Jónssonar.

Annars voru hlaup vikunnar þessi....

Mánudagur: Ágúst, Jói, og ritari fóru Garðaholtið og bætti ritari við sig Túnahring - Birna og Dista fóru Álftaneshring.

Miðvikudagur: Ágúst, Hrefna og Anna mættu í þetta hlaup. Heimildir hvert eru ekki til staðar hjá ritara sem hljóp Dashring fyrr vegna vinnu sinnar.

Laugardagur: RITARI MÆTTI EINN Í ÞETTA HLAUP! Fór því næst inn í Actic í staðin fyrir að hlaupa einn úti og keyrði truntuna eins og hann gat.

Æfingar vikunnar verðum við enn um sinn að prjóna eftir aðstæðum.

 

 

Vetur kemur, vetur fer, vetur kemur.....

Já það hefur margt verið skrafað og ritað um veðrið á Fróni frá upphafi byggða og er svo enn. Það má með sanni segja að það sé búin að vera vetrartíð þessa viku, má orða þetta sem annan í þorra eða eitthvað álíka, en ekkert lát er á veðurhamnum. Við í SÁ erum búin að vera hörð af okkur og hefur ekkert hlaup fallið niður en leiðir hafa stundum verið takmarkaðar vegna ófærðar.

Hlaup vikunnar voru eftirf....

Mánudagur: Gréta, Anna, Bjarni, Jói, og ritari fóru 1-2 eða jafnvel 3 Álftanes- og Skátahringi. (Ágúst fór fyrr og Lilja hljóp inni).

Miðvikudagur: Birna, Jói, Hrefna og ritari fóru 1-3 Álftanes- og Skátahringi

Laugardagur: Birna,Sigurlaug og Dista fóru Álftaanes- og Skátahring - Jói fór Dashringinn - Þórhallur og ritari fóru Bessastaðanesið og bætti ritari við Álftanes- og Skátahring.

Æfingar vikunnar verða prjónaðar eftir aðstæðum !

Með vindinn í fangið!

Vikan hefur einkennst svolítið af umhleypingum í veðurfari og greinilegt að vorið er ekki alveg komið þó manni hætti til að vera bjartsýnn strax og sólarglæta sést á lofti þó hún vari ekki lengi. En hlauparar á Álftanesi láta ekki illsku-veður og hamfarir hafa áhrif á sig heldur eflast við mótbárur og hlaupa keikir og fullir stolti um lendur sínar.

Mánudagur: Lilja, Birna, Gréta, Andrea, og Jói fóru fóru Álftanes- og Skátahringi - Sissa og ritari fóru Garðaholtið og tóku nokkra brekkuspretti - Bjarni fór Das- og Túnahring - Þórhallur valhoppaði um óvíst hvert.

Miðvikudagur: Ágúst, Jói, Dista, Sigurlaug, Birna, ritari og tværr nýjar dömur Íris og Salome fóru Álftanes- og Skátahring, sumir einn og aðrir tvo hringi.

Laugardagur: Gréta og Birna fóru Álftanes- og Skátahring - Íris og Salome fóru Garðaholtið - Bjarni og Þórhallur fóru Garðaholtið og Álftanes- og Skátahring - Ritari fór Vífilsstaðavatn og A. Hansenhring.

Æfingar vikunnar: Mánud. Brekkusprettir - Miðvikud. Tempóhlaup - Laugard. Lengri hlaup.

Á fimmtudaginn kl. 20:00 verður seinasta Powerade-hlaup vetrarins.

 

Hvar voru allir ?

Vikan byrjaði vel líkt og fyrri vika með ágætis þáttöku vel mætt á mánudegi og miðvikudegi, en botninn datt svo skyndilega úr á laugardagsmorgninum er ritari stóð einn og yfirgefinn í anddyri Alladíns. Já það hafði skollið á snjóbylur um nóttina er greinilega hafði náð að splundra litla sæta hlaupahópnum svo mjög að fátt eitt minnti lengur á hópinn annað en ritari vor sem rýndi út í sortann með von um meðreiðarsvein sem ekki lét sjá sig. Var reyndar sjálfur búinn að velta mikið vöngum yfir því fyrr um morguninn, með sængina yfir hausnum,  hvort ég ætti nokkuð að mæta í hlaupið því ég var búinn að vera með kverkaskít og kulda í skrokknum undanf. tvo daga. En svo gat ég ekki hugsað mér að láta upplýsast um þann aumingjaskap í mér að mæta ekki í hlaup og vera rakkaður niður af félögum vorum sem biðu eftir mér í anddyrinu. Reyndist ótti minn ástæðulaus, en ég sá það seinna á hlaup.com (hlaupadagbókinni) að Ágúst mætti einni mínútu eftir að ég lagði af stað. Sönn hetja þessi Ágúst!

Hlaup vikunnar voru eftirf.....

Mánudagur: Dista, Birna, Lilja, Sissa, Anna, Ágúst, Jói og ritari þrömmuðu öll Bessastaðanesið og bættu við ýmist Álftanes-, Túna-, eða Skátahring - Óli og Hrefna fóru Álftaneshringinn.

Miðvikudagur: Ágúst, Anna, Bjarni, Þórhallur og ritari fóru Garðaholtið og bættu við sig m.a. Túna-, Skáta- eða Álftaneshring. - Lilja, Birna, Dista og Sigurlaug fóru Álftaneshring og bættu einhver við sig Túna-, eða  Skátahring.

Laugardagur: Ritari fór Das- og Álftaneshring, Ágúst fór A. Hansenhringinn.

Æfingaáætlun næstu viku: Mánud. Upphitun að Sóta og farnir sprettir 4*200m og Álftaneshringurinn kláraður í niðurskokki. Bætt við að hætti hlauparanns - Miðvd. Tempóhlaup, 1.5km upphitun og svo hlaupið frekar hröðum og jöfnum hraða. Endað á niðurskokki. - Laugard. Lengri vegalengdir farnar.

 

 

Vorblíða síðustu viku og "gott útlit framundan" !

Seinasta vika heilsaði með mikilli blíðu sem haldist hefur út alla vikuna og talað er um að spáin sé góð framundan. Er nú svo komið að bjart er allan tímann á meðan hlaup fara fram og virkar það sem innspýting fyrir okkur hlaupara því ólíkt skemmtilegra er að vera úti þegar svona bjart er orðið. Einnig eru allar hlaupaleiðir að opnast þ.a.m Bessastaðanesið sem er ein af fallegri leiðum á nesinu. Hefur þátttaka í hlaupunum farið ört vaxandi í kjölfarið sem er mjög ánægjulegt og menn almennt farnir að lengja í hlaupum sínum.

Hlaup seinustu viku eru eftirf....

Mánudagur: Birna, Dista, Lilja Ágúst Anna, Sissa og ritari fóru Garðaholtið og prjónuðu flest Skáta- eða Túnahring við hlaup sín.

Miðvikudagur: Óli, Hrefna, Lilja, Birna, Dista og Jói fóru Jörfahring og sum Skátahring að auki, Ágúst Sissa og ritari fóru Bessastaðanesið og Túna- og Álftaneshring að auki.

Laugardagur: Ágúst fór A.Hansenhring, Sissa fór Dashring, Jói fór Garðaholtið, Sigurlaug og Birna fóru Álftanes- og Skátahring, ritari fór Vífilsstaðavatnið og Lína, Fríða og Stefán fóru vegalengd sem mér er ekki kunnugt um.

Byrjendahópur Lilju er enn í fullswing og stígur strætin á þriðjud. og fimmtud. sem fyrr.     

Vætusöm vika afstaðin !

Vikan byrjaði snjóþung en síðan kom lægðadrífa vestan úr hafi sem náði loks að bræða allan snjó, nú seinast í gær. Er það mikill léttir því aðeins hefur verið fært Álftaneshringinn og þ.a.l verið fremur tilbreytingarsnauð hlaup þessa viku. Vonandi rætist úr veðri í framhaldinu, en allavega er nú orðið bjart á meðan eftirmiðdagshlaupin fara fram, og auðséð að dagurinn er farinn að lengjast verulega og því aukning á tíma sem skokkarar hafa til útihlaupa. Ættum við að geta farið að huga að æfingum fyrir markmið okkar að alvöru uppúr þessu.

Mig langar að vekja athygli á námskeiði sem Torfi á hlaup.is heldur dagana 28 feb., 7 og 8 mars og er fyrir byrjendur og lengra komna. Ritari fór á þetta námskeið í fyrra og mælir með því. Nánar hér.... Einnig vil ég vekja athygli á hlaupadagbókinni, en gaman væri að sem flestir gætu verið skráðir þar. Nánar hér... hlaup.com 

 Hlaup síðustu viku voru eftirfarandi......

Mánudagur: Anna, Bjarni, ritari, Dista, Birna og Jói fóru Álftaneshring og bættu sumir við sig Skátahring. Gréta fór Túnahring. Blíðuveður og gaman.

Miðvikudagur: Dista, Birna og Lilja fóru Álftanes- og Túnahring, Gréta fór Túnahring, Ágúst og ritari fóru Álftanes- og Skátahring.

Laugardagur: Dista og Birna fóru Álftanes- og Skátahring, Elín hljóp ?, ritari fór A. Hansen- og Túnahring.

Lilja hélt áfram með sínar byrjendaæfingar þriðjudaga og fimmtudaga, með góðri þáttöku og Ágúst og ritari fóru í mikla svaðilför í Powerade-hlaupinu.

Þæfingsvika afstaðin !

Vikan hefur einkennst af mikilli snjókomu og þæfingsfærð sérstaklega er líða tók á vikuna. Stormviðvaranir hafa orðið til þess að meðlimir SÁ hafa verið að sveigja til hlaupatíma sinn í takt við veðurspárnar og því verið stundum fámennt á föstum hlaupatíma, á þetta sérstaklega við um miðvikudaginn en þá var spáin mjög tvísýn. En ljósið í þessari viku er að hlaupatímar fyrir byrjendur sem Lilja sér um á þriðjudögum og fimmtudögum, er að trekkja til sín áhugasama einstaklinga sem hafa ekki verið að láta veðrið stöðva sig. Ritari varð vitni að því á laugardaginn að nýir meðlimir skokkuðu þó snjór hafi náð vel uppfyrir kálfa á sumum leiðum og ösluðu áfram af miklum vilja.

Æfingaáætllun fyrir komandi viku verður gerð meira eftir hentugleika hverju sinni vegna mikilla snjóa.

Hlaup seinustu viku voru eftirf....

Mánudagur: Ágúst, Sissa, Bjarni og ritari fóru Álftanes- og Skátahring auk 4*200m spretti við Sóta, Anna, Lilja, og Birna fóru Á+S-hring auk nokkurra spretta, Gréta fór Túnahring, Jói fór Álftaneshring, Þórhallur fór kl.18:30 5.2 km.

Miðvikudagur: Lilja, Ágúst, Jói, Sigurl., og Dista fóru Jörfa-, Álftanes-, og Skátahring, Gréta fór fyrr, Bjarni fór seinna, ritari fór seinna.

Vek athygli á Powerade-hla áupi no. 5 fimmtudaginn. 10 km hringur um Elliðaárdal, en Ágúst og ritari hafa tekið þátt í þessum hlaupum og láta vel af.

       

Enn bætist í hópinn!

Mæting í hlaup þessa viku hefur verið með ágætum, veðrið hefur leikið við okkur með hita og stillu að mestu leiti, og greinilegt er að daginn er farið að lengja. Það er einnig ánægjulegt að enn eru meðlimir að detta inn, tveir þessa viku, sem eiga eftir að styrkja hópinn og auðheyrt að enn er að spyrjast út að til er hlaupahópur á Álftanesi. Annar þessara manna er fullmótaður hlaupari er stundað hefur æfingar í Laugardal en ekki vitað af þessum hópi hér, segir það okkur að við þurfum að vera dugleg að láta spyrjast út um tilvist okkar t. a. m. láta vita af bloggsíðunni okkar og hópnum á facecbook þar sem samskipti eru auðveld. Hún Lilja okkar, er núna með nokkrar vinkonur sínar í einkatímum í hlaupagreininni, og er meiningin seinna að þær sameinist okkur eftir að hún hefur barið í þær kjarkinn og mótað eftir okkar skilyrðum, sem eru m. a. í grunninn þau að geta staðið í lappirnar og reimt á sig skóna án aðstoðarmanns. Hlökkum við til að fá þær í hópinn okkar.

Æfingahugmyndir þessa viku eru: Mánudagur-spretthlaup,  miðvikudagur-tempóhlaup, laugardagur-lengri hlaup en venjulega.

Hlaup seinustu viku voru eftirfarandi......

Mánudagur: Ágúst, Bjarni, Anna og ritari tóku brekkuspretti við Sóta og kláruðu Álftaneshringinn,  Birna, Dista og Lilja fóru Álftanes- og Skátahring, Gréta fór Túnahring.

Miðvikudagur: Ágúst, ritari, Sissa og Anna fóru Dashringinn - Birna, Dista og Lilja fóru Garðaholts- og Skátahring - Gréta fór Túnahring. Frábært veður og áttu sumir nóg eftir.

Laugardagur: Bjarni, þórhallur (nýr) og Dagur sonur Bjarna fóru Garðaholtið , ritari og Ágúst fóru Das- og Skátahring, Birna og jói fóru Álftaneshring, hitti Línu sem mætti seinna, veit ekki hvað hún hljóp. 

 

Seinasta vika !

Æfingaáætlun seinustu viku verður höfð óbreytt þessa viku líka. Ágætlega hefur viðrað til hlaupa seinustu daga, utan fimmtudaginn var er Ágúst og ritari skelltu sér í Powerade- hlaupið. Hríðin var slík um miðjan dag að ritari sá sér ekki annað fært en að versla  forláta lambhúshettu í Útilífi. Gekk á með dimmum éljum er við Ágúst fórum frá Álftanesi, en er við komum í Árbæinn var útlitið það gott að það reyndi ekki á lambhúshettuna góðu. Tíminn var aðeins lakari hjá ritara heldur en áður, en Ágúst hélt sjó og jafnaði tíma sinn. Nýir hlauparar létu sjá sig í hlaupinu á laugardaginn. Það voru Bjarni ljósmyndari, og Bjössi vinur hans sem er reyndur maraþonmaður. Bjarni byrjaði fyrir skömmu að hlaupa og stefnir hátt á næstunni.

Stofnaður hefur verið hópur á facebook undir nafninu "Skokkhópur Álftaness" og bið ég meðlimi endilega að skrá sig þar inn, og þá líka benda öðrum efnilegum meðlimum SÁ á hópinn.

Mánudagur: Garðaholtið fóru; Ágúst, Sissa, Anna, Dista, Birna og ritari.

Miðvikudagur: Dista, Birna, Ágúst og ritari fóru Álftaneshring. (Ágúst og ritari tóku spretti að auki).

Laugardagur: Dista, Birna, Sigurlaug og Jói maður Sigurlaugar (nýr) fóru Álftanes- og Skátahring, Bjarni ljósmyndari, Bjössi vinur hans og ritari fóru Garðaholtið.

 Æfingaáætlun þessa viku verður sú sama og seinustu viku. (sjá blogg seinustu viku).

 

Æfingaáætlanir, "sprettir og tempóhlaup"

Það er búið að vera að spyrja eftir því að hefja æfingaáætlanir að nýju, þ.e.a.s. sprettir, brekkusprettir, tempóhlaup og fl. Ég set upp smá prógramm fyrir þessa viku og sjáum til hvort að vetur konungur gefi okkur frið til að stunda þær æfingar, en heldur kalt hefur verið þessa viku og hefur Kári náð að hífa upp frostið svo um munar.

Mánudagur: Garðaholtið fóru; Óli, Hrefna, Anna, Sissa, og ritari. Sigurlaug, Dista og Birna fóru Álftanes- og Skátahring.

Miðvikudagur: Birna, Dista, Sigurlaug, Óli, Anna, Sissa og Ágúst mætt og fóru Álftaneshring. Sumir bættu við sig meira magni í lokin. Ritari var upptekinn í vinnu sinni.

Laugardagur: Dista, Birna, Ágúst og ritari fóru Garðaholtið.

 

Æfingaáætlun fyrir vikuna 9/1-16/1

Mánudagur: Hitað upp að hesthúsum og teknir 4*200 metra sprettir í brekkunni þar. Þeir sem treysta sér bæta fleirum við. Síðan er Álftaneshringurinn kláraður að íþróttahúsi.

Miðvikudagur: Tempóhlaup um Garðaholtið. Hitað 1.5 km og síðan hlaupið að á jöfnum frekar góðum hraða (4.30-6.00 í tempó) eftir því hver á í hlut. Gott að taka Skátahring í niðurhlaupinu.

Laugardagur: Áhersla lögð á lengri hlaup. (Das, A.Hansen, Vífilsstaðavatn).