Enn lengir daginn og bjart er yfir...

Góð tíð hefur verið undanfarið svo hlaupin hafa gengið vel fyrir sig, auk þess sem daginn er farið að lengja verulega. Bjart er orðið til klukkan að ganga átta á kvöldin svo ekki er komist hjá því að hugsa til vorsins, sem færist nær, og ritari minnist þess að hafa yfirleitt heyrt í fyrstu Lóunni síðla mars.  

Þau sem hafa verið iðin við láta sjá sig í hlaupunum undanfarið eru: Ágúst, Villi, Jói, Sigurlaug, Ögmundur, Sævar, Birna, Lilja og Friðþjófur. Anna og Sissa eru farnar að sjást líka og vonumst við til þess að fleiri fari að detta inn.

Sævar, Villi, Ögmundur, Jói og ritari fóru í Atlantsolíuhlaupið á fimmtudaginn og skemmtu sér vel í vel heppnuðu hlaupi við góðar aðstæður. Verðugir fulltrúar Álftnesinga þar. Seinasta Powerade- hlaup vetrarins fer fram 8. mars og eigum við von á því að Sævar, Ögmundur og ritari verði þar, en þeir hafa tekið þátt í nær öllum hlaupum vetrarins til þessa. Gaman væri ef fleiri tækju þátt þann dag því bjart er orðið á þessum tíma.

Frá og með laugardeginum 3. mars verður hlaupið kl: 9:00 frá íþróttahúsinu s.s. sumartími. Aðrir tímar hlaupa halda sér óbreytt samkvæmt venju.

  

Daginn lengir á ný, stefnum á útrás!

Loksins eru allir vegir færir hér á Álftanesi en mikil ótíð hefur sett strik í reikninginn hjá hlaupurum undanfarnar vikur. Álftanesvegurinn varð fyrst fær liðna helgi, en hann hefur verið lokaður síðan fyrir jól. Nokkrir jaxlar hafa haldið uppi hlaupunum ca 5-8 manns, þeir láta fátt aftra sér þegar hlaup eru annars vegar. Með betri tíð vonumst við til þess að fleiri fari að láta sjá sig og njóta útiverunnar með okkur.

Við viljum vekja athygli á því að nokkrir meðlimir SÁ, ca. 8-10 manns. Eru að skoða það að taka þátt í hlaupi erlendis þ.e.a.s. Amsterdam-maraþoninu sem er haldið 21. okt. 2012. Er boðið uppá 3. vegalengdir, 42, 21 og 8. km. http://www.tcsamsterdammarathon.nl/en/ Er öllum velkomið að slást í hópinn með okkur og vera með en skráning fer fram á uppgefinni vefslóð á meðan laust er í hlaupið. Þetta er spennandi markmið sem gaman er að keppa að með góðum undirbúningi, og enda gott hlaupaár í þessari sögufrægu borg.    

 

Gleðilegt nýtt hlaupaár

Nú er runnið upp nýtt hlaupaár og um leið kveðjum við það gamla. Ef farið er yfir það gamla þá er ekki annað að sjá en það hafi verið viðburðaríkt og augljóst að tilgangi hlaupahópsins hafi verið náð því um tveir tugir manna stunda hlaupin með misjafnri ástundun héðan frá íþróttahúsinu. Nokkrir mæta í hvert einasta hlaup, en aðrir detta inn með hléum á milli eftir því hvernig vindarnir blása hverju sinni. Margir eru farnir að setja sér markmið í upphafi nýs árs eins og t.a.m. Vormaraþon FM., Rvk.-maraþonið, Laugaveginn og nokkrir eru að skima eftir hlaupum erlendis sem er nýlunda en eðlilegt framhald góðra æfinga.

Veturinn heilsaði með bravúr í lok nóvember, og hefur verið langvarandi ótíð síðan, svo mjög að vart hefur verið hægt að fóta sig um nesið nema með mikilli varkárni. Hefur því ástundun hlaupa verð í lágmarki síðan en þó hafa alltaf einhverjir jaxlar mætt sem hafa boðið Kára byrginn og haldið uppi merki SÁ sem er afrek út af fyrir sig því ekki er mjög skjólsamt á Álftanesi eins og allir vita.

Sjö manns mættu í Gamlárshlaup ÍR og skemmtu sér vel við góðar aðstæður í lok ársins og svo hafa 2-3 meðlimir tekið þátt í Powerade-hlaupinu sem er haldið mánaðarlega í vetur og er aldrei aflýst sama hvernig viðrar. 

Bloggskrif ritara hafa verið í lágmarki undanfarið en hann hefur sent út línur vikulega frá því skokkhópurinn var stofnaður eða bráðum eitt og hálft ár. Munu skrifin vera haldin áfram með um viku til tveggja vikna millibili eða eftir því sem þörf er á en við munum m.a. koma á framfæri æfingaáætlunum þegar veður leyfir á ný.

Þeir sem hafa verið iðnir við að mæta undanfarið eru: Ágúst, Sævar, Villi, Ögmundur, og ritari. Nokkrir eru að detta inn eins og Jói, Sigurlaug, Dóra, Þórarinn. Vonumst við til að en bætist við þegar daginn fer að lengja.

Nýjárskveðja, Friðþjófur 

 

Að safna punktum fyrir jólaveislunni!

Það er að rofa til í veðri og um leið hefur fjölgað í hlaupum seinustu viku. Greinilegt er að meðlimir ætla að ná sér í inneign fyrir jólaveislunni og nýta sér þennan ódýra og skemmtilega máta sem hlaup eru til þess. Það er enn snjóþungt með fram Álftanesveginum og hefur því verið farið um Garðaholtið báðar leiðir þegar farið er til Hafnafjarðar. Vonandi lagast þetta á næstu dögum.

Æfingar ráðast af veðri hverju sinni, en ekki verða teknir sprettir nema hálkan hverfi alveg. Gamlárshlaup ÍR verður eins og undanfarin ár og ætlum við SÁ menn að fjölmenna í þann skemmtilega viðburð sem markar enda hlaupaársins. 

 

Erum enn að!

Það hefur orðið heldur betur viðsnúningur í veðrinu frá því seinast var skrifað. Vikuna 13 -20 nóv. var búið að vera blíðskapaveður og var fyrirsögnin þá vikuna, "Vorblíða að vetri til". Síðan þá hefur kyngt niður snjó og frost farið niður í -10°c. Sér ekki fyrir endann á kuldakastinu og greinilegt að við verðum að vera við öllu búin hvað veður varðar, í það minnsta næstu viku í viðbót.

Þátttaka í hlaupum hefur minkað sökum veðursins en jaxlarnir sem eftir eru, hafa haldið úti hlaupum, og láta ekkert aftra sér frá því að halda þeirri iðju áfram.

Þau sem hafa haldið uppi hlaupunum undanfarið eru: Birna, Dóra, Sævar, Ágúst, Lilja, og ritari.

Minni á Powerade-hlaupið á fimmtudaginn 8. des. og Gamlársdags-hlaupið 31. des. kl. 12.       

Vorblíða að vetri til

Vel hefur viðrað til hlaupa seinustu viku, svo mjög að um vorblíðu hefur verið að ræða. Hefur mannskapurinn  því verið fremur léttklæddur á hlaupunum og þátttaka með betra móti.

Hlaup seinustu viku..

Mánudagur: Birna, Sigurlaug, Jói, Ágúst og ritari framkvæmdu hlaupaæfingar og spretti við Sóta og fóru Álftaneshring.

Miðvikudagur: Birna, Lilja, Dóra, Sævar og ritari fóru ýmist Álftanes-, Das- og Túnahring.

Laugardagur: Ágúst, Sævar, Anna, Sissa, Rakel, Birna, Lilja, Villi og ritari fóru ýmist Álftanes-, Garðaholts-, Das- og Suðurbæjarlaugarhring. (4.-17. km.).

Æfingar næstu viku verða ákveðnar fyrir hvert hlaup og ráðast af þátttöku hverju sinni.

SÁ gerir sér glaðan dag

Vikan byrjaði meðhvössum lægðum en slotaði er líða tók á hana. Sævar og ritari tóku þátt íPowerade- hlaupinu og skemmtu sér vel ásamt 360 öðrum þáttakendum og álaugardeginum var góð mæting í hlaup, því að greinilegt var að það átti að ná sérí inneign fyrir Haustfagnaðinum sem fram fór síðar sama dag.

Haustfagnaður SÁfór fram í Haukshúsi á laugardagskvöldið og hófst með því að meðlimir snæddusaman 9. rétta máltíð sem ritari snaraði fram úr ermi sinni ("fyrirgefiði",verður meira næst).  Var þessu ölluskolað niður með guðaveigum af ýmsum gerðum og varð strax mikil stemning ímannskapnum sem entist svo fram á miðja nótt. Þetta var fyrsta samkoma sem hópurinnheldur og má segja að þetta hafi verið bæði afmælis- og uppskeruhátíð, en SÁvarð 1. árs 15. september síðastliðinn. Er engin spurning um að svona viðburðiverður að endurtaka að ári liðnu því þakið á Haukshúsi ætlaði af, því stemningin var svo mikil er hæst lét.     

Hlaup seinustuviku...

Mánudagur: Aftakaveður með roki og rigningu hindraði ekki Villa að mæta í hlaup þennan dag. Á hannheiður skilið fyrir þetta afrek.

Miðvikudagur: Ágúst,Birna, Villi, Lilja og Sævar fóru Garðaholtið.

Fimmtudagur: Sævar og ritari tóku þátt í Powerade- hlaupinu.

Laugardagur: Ágúst,Sævar, Anna, Hildur, Sissa, Jói, Sigurlaug, Lilja, Villi og ritari fóruGarðaholtið, Das- og A. Hansenhringinn.

Æfingar næstuviku verða hefðbundnar og viðrar sennilega vel í æfingar við Sóta á mánudeginum.

Sáttur við menn og mýs

Þrátt fyrir vindasama viku hefur vaskur hópur manna mætt svo engin hlaup hafa fallið niður. Er það bara gott því á berangrinum hér er lítið sem hindrar Kára á ferð sinni. En þá er það nú eins og ætíð þarf, þ. e. a. bíta á jaxlinn, og hendast af stað. Hlýnar viðkomandi þá fljótt og er áður en hann veit sjálfur, búinn að fækka fötum og kemur rjóður og sællegur í hús, sáttur við menn og mýs. En eins og við vitum þá er þetta bara spurningin um að koma sér af staaaaaððð.

Minni á Powerade- hlaupið sem er á fimmtudagskvöld Kl: 20:00 Sævar og Friðþjófur ætla og hafa pláss fyrir fleiri með sér.

Hlaup seinustu viku voru eftirf...

Mánudagur: Jói, Sigurlaug, Lilja, Villi, Birna og ritari framkvæmdu æfingar dagsins, sem voru Sprettir á skeiðvelli, hlaupaæfingar og trjáhlaup.

Miðvikudagur: Ágúst, Villi, Sævar, Birgir og ritari fóru Garðaholtið og Túnahring.

Laugardagur: Villi, Sævar, Birna, Sigurlaug og ritari fóru Garðaholts-, Túna-, og A. Hansenhring. Á heimleið mættum við Línu á Álftanesveginum.

Hlaupaæfingar vikunnar ráðast fyrir hvert hlaup, og fara eftir þátttöku hverju sinni.

 

Venjuleg haustvika líður

Þessi vika var svona venjuleg haustvika. Skiptust á skin og skúrir en án stórhríðar. Mæting þokkaleg, en betri þegar sólin skín.

Hlaup seinustu viku voru eftirf...

Mánudagur: Lilja, Birna, Jói, Ágúst, Sævar og ritari framkvæmdu hlaupaæfingar og spretti við Sóta, og kláruðu síðan Álftaneshring.

Miðvikudagur: Jói, Ágúst, Óli, Lilja, Birna og ritari hlupu Bessastaðanesið og bættu sumir við Álftaneshring.

Laugardagur: Ágúst, Anna, Hildur, Sævar, Birna og ritari fóru Túna-, Bessastaðanes- og A. Hansenhring.

Hlaupaæfingar vikunnar verða ákveðnar fyrir hlaup og ráðast af þátttöku hverju sinni.

"Laugardagur til lukku"

Vikan byrjaði með dræmri mætingu líkt og veður gaf til kynna, en um leið og veður lægði þá tíndust SÁ menn fram úr skúmaskotum sínum. Gaman var að sjá hve margir mættu á laugardaginn en greinilegt var að einhverjir voru orðnir sveltir af hlaupaskorti því slík var yfirferðin. Mátti sjá rjúka úr sólum, og gangandi vegfarendur voru litnir hornauga af einbeittum meðlimum SÁ, sem ætluðu nú heldur betur að fá eitthvað fyrir snúð sinn þennan góðviðrismorgunn. Er ljóst að samviska margra hreinsaðist til fulls er heim í sturtuna var komið.

Gott er að geta haldið hlaupagrunni ca 20-30 km. per viku, og eru menn þá heitir fyrir Poweradehlaupin og Gamlárshlaupið í vetur.   

Hlaup seinustu viku voru eftirf....

Mánudagur: Jói og ritari héldu uppi heiðri SÁ þennan dag með Das- og Garðaholtshring.

Miðvikudagur: Ágúst, Sigurlaug, Jói, Sævar, Birna og ritari fóru Álftaneshring með viðkomu hjá forseta vorum.

Laugardagur: Mætt- Sigurlaug, Jói, Birna, Dista, Thelma, Sissa, Anna, Hildur, Sólborg, Ágúst, Sævar og Lilja. Farinn var Álftaneshringur með viðkomu á Bessastöðum og Bessastaðanesið. Ritari fór í Haustmaraþon Félags Maraþonhlaupara og tók þátt í ½ maraþoni, með góðri bætingu. Gaman væri ef ritari fengi meðreiðarsvein frá SÁ með sér í þetta hlaup að ári.

Æfingar næstu viku eru eftirf. en veðurhorfur eru þokkalegar...

Mánudagur: Hlaupaæfingar og sprettir.

Miðvikudagur: Tempóhlaup.

Laugardagur: Lengri hlaup.